പേനത്തുള്ളികള്‍...

എനിക്ക് നിന്നോടൊരു
രഹസ്യം പറയാനുണ്ട്
നിനക്കറിയാവുന്ന സത്യം തന്നെയാണത്.
നീ ചോദിച്ച ചോദ്യവും
അതിനു നീ തന്നെ പഠിപ്പിച്ച ഉത്തരവും
ഉള്ളില്‍ നീറുന്നുണ്ട്
അതിനാല്‍ ആ രഹസ്യം
ഞാന്‍ വെളിപ്പെടുത്തട്ടെ,
നിന്റെ കാമുകനോ
നിന്റെ ഭര്‍ത്താവിനോ
നിന്റെ കൂട്ടുകാരനോ
നിന്റെ സഹോദരനോ
നല്‍കാത്ത ഒന്നാണ്
എനിക്ക് നീ നല്‍കിയത്‌.
ഇപ്പോഴും നീ പഠിപ്പിച്ച ഉത്തരം
ഞാന്‍ എന്നെ പഠിപ്പിച്ചുകൊണ്ടേയിരിക്കുന്നു,
നമ്മള്‍ പ്രണയത്തിലാണോ എന്ന
കടുപ്പമുള്ള ചോദ്യത്തിന്റെ
പ്രണയത്തിലല്ലെന്ന
എളുപ്പമുള്ള ഉത്തരം.